Mes: enero 2023

O proxecto, denominado “Aldeas de Nadal”, comprende un conxunto de actuacións en cada parroquia, con decorados, alumeado e actividades específicas a cada lugar e un obxectivo común: Devolver a ilusión das Festas e dinamizar o comercio e a hostelería cun Poio máis atractivo para veciños e visitantes despois de 28 anos de improvisación.

Fronte a dous candidatos que non teñen nada que amosar nin que prometer e que só aspiran a perder as eleccións e quedar por diante do seu socio, Poio necesita un Goberno serio, unido e cun proxecto solvente que sexa capaz de amosar feitos e non promesas. E nós somos os únicos que poden ofrecer ese Goberno a partir do 28 de maio.

Cada vez está máis claro que nas próximas eleccións só hai dúas opcións: Varios Goberniños, con varios alcaldes, que fan a guerra pola súa conta e só queren arañarlle algún voto aos seus socios mediante operacións publicitarias ou un Goberno serio e solvente, cun só alcalde, Ángel Moldes, que traballe todos os días do ano e para todos os veciños.

Por moito que o Tripartito queira confrontar e manipular, a Xunta é a administración que máis inviste en Poio, e o vai seguir facendo.

En vez de facer presentacións e promesas en vésperas de eleccións, o que ten que facer é convencer aos seus compañeiros no Congreso e no Senado para que non voten en contra dunha obra tan importante para Poio en xeral e Combarro en particular, permitindo unir desde Lourido a Combarro todo cun paseo polo litoral.

O número de fogares sen auga ou saneamento en 2023 é practicamente o mesmo que en 2019. O Tripartito foron catro anos perdidos para Poio.